韓團水晶男孩的39歲前成員姜成勳多次涉詐騙捱告，去年底被YG事務所解約及退團。昨日韓網瘋傳他過往與粉絲對話的片段，他以輕佻的口脗說：「如果可以再高8cm就好，咁我就好有自信，點解冇增高手術？」之後開始勁彈樂壇後輩：「最近偶像歌手好似冇靚仔，美容院見到嗰啲，皮膚污糟又醜樣！」又指韓團東方神起後，已沒有一位靚仔偶像。
其後有粉絲問他覺得男團BTOB如何？姜成勳說：「真係醜樣，如果我係製作人，一定會睇樣揀人，做得藝人，都要個樣生得唔錯先得，皮膚都要好，至少要有啲（偶像）光環。」事後大批網民炮轟他不應踩後輩外貌，更有BTOB粉絲鬧爆他說：「難道他認為自己比BTOB成員陸星材靚仔？」並要求他道歉。另亦有韓媒翻炒姜成勳的舊事，於年初在節目中看過「臉蛋天才」車銀優的照片後，說不覺得對方靚仔。