陳錦鴻愛情老化搵雯女調劑

錦鴻自爆年輕時於片場喪玩，演員生涯中最開心便是拍感情戲：「一日拍廿幾個鐘，不停同唔同嘅女演員約會，經歷萬千咁多嘅感情生活，一直冇醒過。今次知道雯女演我老婆就接咗，可以再滿足我去拍拖。」更指與老婆結婚多年已缺乏愛情生活，所以欲透過拍劇來調劑。

女人不應委屈求存

雯女則表示未能接受另一半出軌，認為趁年輕應該多玩一點：「應該多睇唔同嘅男人，受吓傷，過咗就修心養性進入婚姻。人生有歷練好緊要，同埋結婚前一定要講明，如果另一半都係知名人士，會對呢方面好敏感，所以一定要約法三章，有咩可以、有咩唔可以，我唔會委屈求存，女士要對自己有信心，有少少危機感畀對方係OK嘅！」

廖碧兒年底再深造

而碧兒透露近日完成工商管理學位畢業試，現正等待成績發布：「緊張到震，因為同堂細佬一齊考，壓力仲大，每次佢都問我幾多分，我心諗佢照顧好自己先啦！如果我考試合格，年底會繼續返去讀書。」