岑潔儀一拖二歎茶大力媽上身
藝人岑潔儀（Zoey）昨日現身慈善畫展，育有兩子的她冧笑謂過了一個Sweet爆的母親節：「大仔親手做咗紙黏土同畫咗幅畫畀我，佢依家4歲幾已經識表達對我嘅愛，會講『我愛你』、『母親節快樂』，雖然細佬仲未識，但佢都好Sweet，成日錫我，好開心！」
Zoey笑指趁母親節首次嘗試一拖二去街，大呻不是易事：「去咗飲茶，大仔不停咁走嚟走去，細仔又要一直抱住，托賴唔使照顧埋老公！（老公有送禮物畀你？）佢送咗部電話畀我，其實係我同大仔講想要，大仔好大方話用利是錢買畀我，係老公覺得要用利是錢咁慘就話買畀我。近排都睇緊新屋，希望畀大啲嘅空間佢哋，不過香港嘅樓市真係太貴！」