陳柏宇變維園阿伯 老婆似夜更洗碗

歌手陳柏宇（Jason）昨日與老婆符曉薇（Leanne）出席活動，與32對情侶齊齊化老妝。Jason帶領全場宣讀愛的宣言，更與老婆情不自禁兩度咀嘴，甜蜜滿瀉。Leanne受訪時自嘲老妝似返夜更洗碗，Jason則似的士司機，並投訴老公：「佢話唔想落妝，返去畀個女睇。頭先喺台上面話要同最愛嘅另一半頭貼頭，佢問咗句『我個女喺邊』！見佢變老好好笑，聯想佢老咗會踎喺公園乜都鬧，好似維園阿伯。」Jason即補鑊讚老婆愈老愈靚：「呢個係人生嘅自然過程，我哋一齊成長。」