同鄧佩儀「友」關係 周柏豪：太太信我就OK

華姐冠軍鄧佩儀早前被指向合作拍劇而認識的周柏豪表現殷勤，周柏豪前晚出席品牌開幕活動時解釋，只收過對方一次禮物，又極力維護她：「鄧佩儀係個好Sweet、對所有人都好好嘅女仔。坦白講，拍劇嗰排日日對住，但男同女都可以係好好朋友，唔一定係有咩關係。（太太識唔識佢？）唔識，但有Common Friend，同埋佢住喺我隔籬屋苑，有車埋佢返屋企，都有同太太講。佢係個好叻嘅太太，就算有唔鍾意嘅情緒，都唔會表露出嚟令我難受。佢知我工作會有呢啲連帶新聞，全世界唔信我都唔緊要，佢相信我就OK。」最後再次力撐鄧佩儀是個好女仔。