藝人吳綺莉與女兒卓林的問題暫時「放下」，因她最近忙為亡母完成心願，覓得一個有山有水的基督教墳場骨灰龕位，並在社交平台分享這項值得感恩的事，她回覆本報說：「我阿婆都係葬嗰度，之前我去拜祭時見起緊龕位，終於申請到，我真係好感恩！阿婆同阿媽可以葬同一個場，兩個龕位只隔一條路，去拜祭都好方便！我仲搵得番阿媽以前啲舊同學過嚟，幫阿媽做咗儀式上位，總算完成心願！」
