黃芳雯自製教材平靚正
育有一名兩歲兒子的香港開電視節目主持黃芳雯（Paula），為以身作則教囝囝「惜」用，不時親手DIY製作教學材料及玩具來代替購買：「囝囝對音樂好敏感，一聽到歌就會變Leader帶領大家拍手跳舞！有首兒歌係教小朋友認識唔同形狀，忽發奇想就拎張紙畫晒啲形狀出嚟，再整咗啲配對紙，畀佢邊聽歌邊做Matching，從愉快中學習。」
家中還有寫上數字的衫夾、藥丸盒等，原來是囝囝姑姐的「傑作」：「佢係幼稚園老師，有時會拎啲剩餘物資整玩具，除咗可以畀佢認識數字之外，又可以教到分辨顏色，所以生活上有好多物件都可以用嚟DIY。」這些玩具還可以訓練小朋友的小肌肉，Paula說：「畀1、2歲嘅小朋友練吓開蓋、夾吓衫夾、喺細盒入面拎啲波出嚟，對佢哋都有難度，但就練到手指肌肉。」一舉三得！
