歐陽妙芝患甲狀腺疾病暴肥廿磅
名模歐陽妙芝昨日帶11歲細仔出席活動，自爆兩年前甲狀腺出問題，食類固醇藥物控制後，全身腫脹兼暴肥20磅，直至今年初才停藥：「甲狀腺個數字都控制到，每個月都要覆診，依家輕咗幾磅先出嚟見大家。囝囝都有鼓勵我做運動恢復，但呢個病最困擾係四肢冇力，就連擺衫去衣櫃都發唔到力。」
她指發病原因主要來自免疫力、精神壓力緊張等問題：「呢十幾年照顧小朋友花咗太多精神，除咗功課，仲有佢哋嘅德育、性格同青春期嘅情緒，呢啲都要同佢哋傾偈安撫。」問到囝囝已長大，可會變得輕鬆？她坦言每個階段都有不同的事要處理，又透露大仔將於下年初往澳洲升學：「多咗嘢擔心，希望佢獨立成長，都會陪佢一陣先返香港。」