張名雅瞞老公晒「警鐘胸」搲Job

育有兩子的張名雅身材Fit爆，狀態大勇。

港姐朱玲玲、翁嘉穗、張名雅和曹敏莉等名媛，前晚盛裝出席慈善晚會。朱玲玲戴上名貴頸鏈閃爆登場，對於郭晶晶再誕女兒，問會否叫新抱繼續生？她說：「三個差唔多，生唔生佢哋決定。（送咩禮物畀小朋友？）冇乜特別，我哋唔興呢啲嘢。（獎勵晶晶？）日日都獎啦，哈哈！（小朋友似邊個？）似姐姐，都似媽咪，可能晶晶基因強啲。（最近忙湊孫？）佢哋做父母忙啲，我都幫唔到啲乜嘢。」對於黃心穎發生「偷食事件」，網民認為要褫奪其港姐資格，朱玲玲說：「佢唔係我哋嘅會員，所以唔講咁多，等TVB決定。」

唔介意演監躉

至於同屆港姐張名雅，未有就心穎事件回應，只說：「係佢私人嘢唔回應啦！（應褫奪其港姐名銜？）應由TVB決定！（同屆感情好？）當年一眾佳麗都感情好好，冇人搞是非。」已生兩個BB的名雅身形Fit爆，前晚更穿火紅超低胸晚裝大晒警鐘胸，並表示隨時歡迎再拍劇，對於心穎不少劇集要重拍，問會否介意補上？她說：「我演咩角色都得，倒垃圾、監躉都得，唔一定要靚女。」

新抱郭晶晶秘誕第三胎，朱玲玲當然開心。	翁嘉穗透露母親節將會出遊峇里。	曹敏莉盛裝示人，高貴大方。

翁嘉穗預告晒泳照

此外，翁嘉穗透露母親節會舉家到峇里旅遊，問屆時會否晒泳照？她笑言：「以前都有甫吓，到時睇狀態再決定。（一直有Keep Fit？）都有做運動、跳舞同玩瑜伽。」細仔現時3歲多，問到會否栽培他成為如大仔一樣的運動健將？她說：「呢個仔比較靜啲，最緊要睇佢自己嘅喜好發展。」