姜麗文日本學藝去廁所唔畀得人知
藝人姜麗文昨午到天水圍出席日本旅遊推廣活動，曾在東京生活兩年多兼做過日本NHK主持的她，勾起不少回憶，並說：「啱啱到日本嘅時候，日文麻麻哋，所以逼自己去學，即使沖涼都帶埋字典，當小說咁追，又同朋友講暫時唔可以交換電話住，終於3個月內可以同大家傾偈，6個月識得睇新聞喇！」
談到在當地做主持及接受歌手訓練，她笑言似軍訓：「同朋友去街唔可以畀人見到我去洗手間，做任何嘢唔可以破壞形象，不過咁有咁嘅好，保持藝人神秘感，如果唔係點培養出好似木村拓哉咁嘅巨星呢？」
可惜因簽證問題，她最終未能在當地圓歌手夢，但笑說：「返到香港，我第一時間去坐茶餐廳，感覺好自由。」