林奕匡意大利打的半日使4,000蚊
歌手林奕匡（Phil）與太太李靄璣（Rikko）早前偕雙方家人，首次一家六口飛到意大利旅行，玩足十一日。Rikko非常感激老公包容：「其實我哋責任都好大，要確保大家玩得開心同安全。但無論旅程遇到任何事，老公都好細心解決大家嘅需要，非常之好脾氣。經過呢個旅行，我更加愛佢。」
她又指這次旅行相當有意義，笑指同行的弟弟令老公變回大細路：「Phil得一個哥哥，我細佬又大唔透，佢感染咗Phil都變到好搞笑。」並自爆付了人生最貴的士費用：「半日已經使咗4,000港元！因為當地Call車本身好難，六個人又要分兩架車，加上有幾日天氣又唔太好，唔想老人家行得咁辛苦。」
