余潔滢愛出汗打走脂肪
藝人余香凝胞妹余潔滢（Zoe）自從擔任無綫節目《美女廚房》的學徒後，其社交網的粉絲急急上升。早前她踩過界做KOL，拍片分享打機心得：「打手機Game打得好，玩家會Add我做朋友。我鍾意打機，拍片想分享自己鍾意嘅Game，或者同朋友打機嘅情況，搞吓笑，唔敢話自己打得叻。」
Zoe並非只愛打機的「宅女」，同時熱愛運動，最近她迷上打拳：「啱啱試咗幾堂打拳，一試愛上！Sit Up、踢腿、出拳，全身肌肉都用到，出一身汗又可以Keep Fit。」又指早前生日時喪食，身形圓潤不少，現在增加運動量保持苗條身形：「我會Keep住打拳，覺得打拳同跳舞好相似。之前鍾意跳舞，但係依家冇時間同地方練，而打拳節奏同跳舞一樣要記步驟，係一個新挑戰！」