傅嘉莉為兩餐無暇追夢

藝人傅嘉莉（Kelly）日前冒雨前往欣賞藝術展，向來有畫畫的她表示一直很喜歡梵高的作品：「我喺紐約睇過佢嘅畫作《Starry Night》，之後又喺倫敦睇過佢以向日葵為主題嘅作品，覺得好有力量！上年睇完關於佢嘅電影，仲買咗有關佢嘅書，想更了解佢嘅生平。佢人生好坎坷，但仍堅持理想去畫畫，我都會反問自己究竟可以為鍾意嘅嘢而犧牲幾多呢！」Kelly有意到梵高的出生地荷蘭朝聖，以及到外國進修跟藝術相關的課程，但因要兼顧拍劇及頭飾生意，未有時間實現。談到近況，她快將拍畢劇集《極道怪咖》，隨即便要投入另一套劇集《大醬園》。