唐文龍：有原諒嘅空間！

藝人唐文龍昨日偕森美、小儀出席「星級有營食肆」運動開幕禮，講到唐文龍日前出現在黃心穎寓所樓下受訪，問到如果他所拍的劇因對方而要重拍的話可會很嬲？他一開始有點唐突，然後才說：「關於呢件事，任何人都唔應該回應，係佢哋四個人嘅事，如果我同黃心穎合作過而套劇出唔到街嘅話，大家已經好唔容易（處理），睇人哋講人哋好易，但如果發生喺我身上會點呢？世界係互相，所以冇話嬲，係緣分，相信TVB會補拍。」有指要花千萬重拍《法證先鋒IV》，他說：「真心，我唔係維護佢，但有寬恕同原諒嘅空間，外人冇資格去講，我都唔應該出聲。」另外，見他右手手腕包紮着，他表示去日本滑雪令韌帶受傷，現已康復8成半。