黃妍迷戀「吳卓羲」
歌手黃妍昨日為創作新歌《小鹿撞樹記》舉行發布會，她指新歌是四季系列的最後一首，亦是其第一首情歌：「覺得春天咁潮濕，又時晴時陰，同暗戀嘅感覺好似。」又自言最深刻的戀愛是發生在中一時期：「嗰時有個師兄同吳卓羲一模一樣，好靚仔！全級都為佢着迷，會去偷睇佢。」
她坦言新歌是講述個人「暗戀史」︰「幻想盧廣仲同周杰倫做暗戀對象，咁先可以發揮得淋漓盡致。上次盧廣仲演唱會我有去後台搵佢，同佢握手、傾偈，講咗呢世都唔拖其他人隻手，覺得佢好有型、好有才華！（之後想同佢合唱？）好想！要向公司施壓！上次去台灣做嘢撞正生日，其中一個生日願望就係見到佢，去市集見到有佢嘅悠遊卡貼紙，即刻買咗3張。不過都希望裝備好自己先合作，唔想丟架。」