陶大宇度橋滾水淥下體逼供

由鄭少秋、陶大宇主演的ViuTV新劇《詭探前傳》昨晚首播，劇中大宇飾演的江湖大佬壞事做盡。當中一幕用滾水淥小混混下體逼供，心狠手辣，原來這一幕由大宇構思，他說：「原本劇情話淋面，但之後佢仲要同我講好多對白，要配合好多特技化裝，既然我個角色咁殘暴，咪自度淋佢下體，好似效果更加得人驚，演員面部反應更出！（演員有詐型？）冇，對方好有演員道德，事前冇預多一條底褲o架，拍完濕住走，我都要畀個讚佢！」