陳敏之做媒人積福
藝人薛家燕早前69歲生日，慶生飯食個不停，前晚她再與慈善機構於尖沙咀筵開六十餘席與粉絲共聚，以買枱形式籌款。圈中好友陳敏之等現身賀壽。敏之受訪時，記者告知薛家燕打算為大女石祐珊招親，敏之即說：「我個仔子樂得兩歲喎。（佢咪畀林盛斌認咗做女婿囉？）係呀，都唔知點解佢咁鍾意靚女，見到機機（林盛斌細女林機兒）就想錫。」
薛家燕69歲「急生B」？
敏之過往亦試過成功做媒：「咁做開心同積福o架！唯唯（即梁競徽）同太太咪係我撥火，佢哋真係撻着，仲成功結埋婚添！」
薛家燕專程由新加坡趕返港出席壽宴，問到男友是否「挖個心畀你做生日禮物」，她說：「如果係咁我好心痛。（囝囝夫婦有好消息未？）未，佢哋仲後生，好似我急啲喎。（你想生B？）講錯嘢添，生唔出，哈哈！」