藝人張沛樂（沙律）、黃頌明及謝珊珊主演的舞台劇《波音情人》日前最後一場公演，首次接觸舞台劇的沙律飾演空姐，她說：「第一場興奮多過緊張，但去到第二場就太過緊張，因為演出期間我條裙爆咗！好彩觀眾睇唔到冇穿煲，不過發生得太突然，當下都有少少不知所措。」
沙律透露男友林耀聲首演當日有撐場，完場後更讚她演得盞鬼，又冧爆笑指因應角色需要，在家中經常用嬌嗲的聲音跟男友說話：「我本身唔係一個好嗲嘅人，但個角色要成日撒嬌，阿聲就係我嘅練習對象。」
