當黑！譚俊彥連中兩劑新劇被抽起
藝人譚俊彥昨日出席活動時，提到多套新劇遇上阻滯，包括做男一的《包青天再起風雲》及《法證先鋒IV》，當中《法》劇因黃心穎有份參演而播映無期，更傳心穎部分將重拍，他表示：「有問過製作人員，佢哋話照做緊剪片，亦冇收到消息重拍。」
他坦言較擔心《包》劇，因飾演「陳世美」的黃子恆爆出桃色事件，令劇集被抽起，無綫現改播小朋友主演的內地偶像劇《小戲骨：包青天怒鍘陳世美》，他說：「唔好講啦，咁我同子恆都係好朋友嚟。好彩仲有部《十八年後的終極告白》存貨，惟有再勤力拍多兩部，我都冇得選擇啦！」