呂慧儀自爆收到「我愛你」
「長腳蟹」呂慧儀（阿蟹）及「金城安」周嘉洛昨日出席新店剪綵活動，她搞笑封嘉洛為「11廠嘉洛哥」，他說：「你仲犀利，係TVB蟹姐喎！」阿蟹即大爆嘉洛近日外快多、收入好，卻遲遲未請《愛·回家》拍檔食飯，嘉洛說：「我嘅生活係簡單輕鬆咗，不過講到儲錢買樓，車尾燈都未見！」
阿蟹早前公開收花照，但否認有追求者：「就嚟到母親節，啲花係相熟花店送畀我啫。（你留言話相信愛情喎。）我依然會相親相愛嘅，但我重心放喺事業同老闆（即囝囝）身上。（有追求者？）唔得閒呀，要返工，老闆考小學我要伴讀。」又說已收到囝囝的母親節小手作，還寫上「I Love You」十分窩心。
