張智霖多得靚靚激勵成功脫脂

李佳芯分享家庭照，不料被指抽水。

藝人張智霖（Chilam）和視后李佳芯（Ali）昨日以首屆賽事大使身份到沙田馬場出席《富衛保險冠軍賽馬日》。活動由偷食人夫的黃心穎家姐黃心美及一度無辜捲入風波的森美擔任司儀，估計為免影響活動進行，大會沒有安排二人受訪。

Chilam透露減肥計劃進行中，提及老婆袁詠儀（靚靚）曾笑他肥到似「叮噹」般圓潤，問他現在能否搣甩這稱號？他笑說：「可以除名啦！其實成日有個人警惕自己係件好事。如果佢好放任我，我就要轉戲路喇！依家已經減咗4至5磅，但始終覺得瘦唔一定代表靚，不過我哋做幕前要上鏡，瘦啲先好睇。」正所謂台上一分鐘，台下十年功，他說：「依家接洽唔同工作，畀自己理由去Keep Fit。其實藝人除咗幕前演出，自身保持狀態都好重要。」

張智霖表示瘦身計劃漸見成效。

黃心美與森美出席活動，未有接受訪問。

李佳芯玩口罩app「中招」

而最近處於休息期的Ali透露，6月將開新劇，之後便劇接劇忙個不停。對於無綫高層樂易玲早前表示要找其他藝員頂替黃心穎的工作，Ali說：「自己冇，可能我取代唔到佢。」至於日前她上載一家人戴黑色口罩的相片，被網民指她「抽水」，她即解釋：「當日係媽咪生日，近年好少影全家福，嗰日好開心想同大家分享，但我都要保護屋企人，唔想佢哋畀人認得。如果我Blur咗佢哋又好似好不敬，見到有個app可以P個口罩幾得意，完全（與黃心穎）係冇關係。」

另外，藝人梁靖琪與男友Jon拍拖入馬場，父親梁家樹亦有同行，可見Jon已融入家中。