家庭放首位 陳豪冇「誘」怕

藝人陳豪昨日出席電台活動，講到女兒Camilla日前3歲生日，他大爆太太陳茵媺親手製作雪糕蛋糕慶祝：「我個彩虹蛋糕都係佢整！佢依家有功力、信心就想特別做啲嘢，遲啲佢會Post相，好靚，唔係講笑！（鼓勵佢發展蛋糕生意？）佢放唔低啲小朋友，我啲咖啡Product設計都有問佢意見。」
陳茵媺（左二）
陳茵媺（左二）

許志安與黃心穎爆出偷食事件，有網民發起「最專一男人」選舉，「愛妻號」陳豪不負眾望榜上有名，他聞言笑講多謝，表示雖然有聽過偷食事件，但就冇去了解：「對啲唔好嘅新聞都唔係太想知，做人對得住自己嘅良心好緊要，唔好傷害人。（曾受過誘惑？）我有咩誘惑？我嘅人生目標、首位就係太太同3個仔女，都已經得到人生最好嘅嘢，仲有咩想要呢？」標準答案無可挑剔！

陳豪指太太要照顧小朋友，冇計劃發展蛋糕生意。
  • 陳豪指太太要照顧小朋友，冇計劃發展蛋糕生意。