的哥連切三線！傅嘉莉險撞車

藝人傅嘉莉昨日以交通安全大使身份出席活動，講到「安心」事件令不少網民重提她當年在的士車廂激咀男士一幕，問到可會覺得「躺着也中槍」？嘉莉說：「冇睇過類似報道，覺得件事已過咗去，我只會努力做好自己嘅工作，啱啱一部戲煞科就緊接要開第二部。（搭的士會留意吓有冇攝錄機？）好多時都冇特別留意，但若果着裙上落車都會小心啲，怕影到走光。」
傅嘉莉化身女交警，宣揚交通安全。
傅嘉莉化身女交警，宣揚交通安全。

嘉莉又自爆活動途中險遇交通意外︰「細佬車我嚟，期間有架的士為咗接客連切三條線，好彩細佬反應夠快煞得切，冇撞到架的士，但佢都好嬲！架車仲有我媽咪同屋企人，佢有開窗同對方理論，但司機都冇理囉！我自己都有車牌，但好少揸，有時拍劇收工都好攰、好眼瞓。」

一班粉絲唔怕曬撐偶像。
  • 一班粉絲唔怕曬撐偶像。