安仔紅館騷叫停 小春執二攤？

許志安因「偷食」事件影響而暫停一切工作，連原定9月紅館開騷的計劃亦叫停，有傳該檔期將由陳小春承接，小春個唱主辦商Toby表示的確有傾過：「不過同時間紅館又批咗明年3月個期畀小春，依家佢忙緊內地巡演，因為個騷係普通話版，之後回歸紅館舞台，佢會為香港觀眾度身訂造廣東話版本。」小春之前已經做了成都、佛山等多個站，據知他下月5日將在北京繼續巡演，8月則到上海開騷。