馬德鐘受高反折磨嘴唇發紫

第二次到拉薩旅遊的馬德鐘，高山反應嚴重，幸而最後冇大礙。

山路崎嶇多意外

已經是第二次到拉薩的Joe，是次選擇由成都自駕遊出發先往色達，到天葬場和喇榮寺五明佛學院，之後才抵達拉薩。一路上目睹不少交通意外發生，如有車跌落山、有車撞死牛等，全程也提心吊膽。他直言色達並不容易去，天葬場尤其令他有很多感悟，對生死有很大得着。

呼吸困難兼作嘔

去年首次到拉薩時曾有高山反應的他，是次亦不能幸免，他說：「今次好辛苦，上到3,500至4,000公尺一樣有高山反應，成日作嘔、頭痛，長期好似抖唔到氣，嘴唇發紫，好彩有帶定止痛藥。今次覺得嚟到已經好難得，因為身體未必可以支持到大自然嘅反應。（有冇擔心？）都擔心，因為山路途中會有石跌落嚟，原本一條兩線行車路，啲石跌落嚟，變咗一條線，所以一路行都諗，頭頂啲石會唔會跌落嚟？會唔會行得太邊，泥土鬆脫架車會唔會碌落山呢？」

色達景色優美，令人一見難忘。

馬德鐘與太太同行，互相扶持。