藝人李日朗（Don）及陸詩韻昨日到將軍澳出席起跑禮，近月健康欠佳的Don透露只回復七成體能，不能做太劇烈的運動。最近忙於籌備美容生意的他，笑言找女友做白老鼠試產品：「我皮厚，女友皮薄先有效果，佢好好冇怨言，但依家仲未決定係咪投資，要睇定先。（預埋女友合股？）唔會喇！佢精神支持就夠，不嬲唔同太熟嘅人有錢銀轇轕。」陸詩韻則表示很少做運動，最多做瑜伽：「因為腰頸有舊患會痛，我啲筋都幾硬，做咗瑜伽舊患有好轉，筋長一吋命長十年嘛！」
