余德丞容易攰做唔長
藝人余德丞日前接受電台訪問，提到與緋聞女友蔡思貝關係特別好，他直認雙方傾得埋：「上年拍旅遊節目去緬甸，14日嘅相處先開始認識大家，兩個人有啲好夾，都好直率，至於唔夾呀？畀時間我諗諗先。」對於先後與江嘉敏、陳瀅等傳緋聞，因而有「女神收割機」之稱，他笑說︰「唔係男就係女，咁啱有合作機會，唔知點解會傳得到。」
重提去年8月在球場暈倒昏迷，一度危殆入ICU，經歷46小時生死關頭後，他覺得冥冥中自有主宰，所以一切隨遇而安：「對我嚟講執番條命係好緊要，對家人有交代，所以命同事業比，命梗係緊要好多。」回復幕前工作後，他覺得以前是打不死，但現在容易攰，所以只能接時間較短的工作。