陳凱琳爆鄭嘉穎餵完奶黐巾

陳凱琳（Grace）、林盛斌（Bob）及梁嘉琪等昨日出席無綫《Think Big共童跳活動」，與一眾小朋友玩遊戲。

「終於覺得做咗媽媽」

Grace透露兩個多月大的兒子仍未戒夜奶：「朋友叫我同囝囝講戒夜奶就得，如果係咁易就好！當然我返到屋企有試，但囝囝只係眼仔睩睩望實我，梗係唔知我講乜啦！好彩嘉穎有幫手，每晚都幫手餵埋凌晨三點幾嗰轉奶。」

梁嘉琪、陳凱琳及林盛斌與小朋友打成一片。

梁嘉琪玩「共童跳」。

Grace又自爆湊仔瘀事：「諗住落街買嘢食，點知喺褲袋發現咗條紗巾，終於覺得自己真係做咗人媽媽。嘉穎都試過餵完奶，膊頭塊紗巾唔記得拎走，仲喺屋企周圍行。（遲啲BB可能會將玩具放入你手袋。）如果係都幾溫馨喎。」

而Bob「介紹」梁嘉琪給現場的兒童骨科醫生認識，隨後又自稱手上有「大把筍盤」，梁嘉琪即笑說：「咪介紹咗我囉。」Bob反駁：「但人哋唔想同你傾偈。」場面搞笑。

梁嘉琪拒捱更抵夜

梁嘉琪透露日前狂風暴雨下外出工作，返家時連續被兩架貨車近距離濺起水花，致全身濕透：「最黑仔係屋企突然停電，我攞住一大袋食物行咗十幾層樓梯！」由於去年健康欠佳，她坦言不會接太辛苦的工作：「計劃同屋企人去旅行，輕鬆嘅工作可以，但捱更抵夜就唔好。」