關心妍搞內地巡唱帶女開眼界
歌手關心妍（Jade）簽約新唱片公司重投歌唱事業，更展開入行18年來首次內地巡唱，首站定於7月中在廣州舉行。日前她為巡唱拍攝海報時心繫愛女，一有時間就與囡囡心心玩視像電話，她說：「我成日同心心喺屋企玩焗麵包同蛋糕，個女一見到媽咪就話要食『包包』同士多啤梨。」
兩母女又隔空合唱兒歌，Jade說︰「佢每日要聽15次以上，歌詞背到好熟，哈哈！希望第一站帶埋心心到場，佢出世之後都未見過舞台上嘅媽咪，有畀啲片佢睇過，佢每次見到媽咪唱歌都好興奮，幫佢申請定張回鄉證先！」她指舉行巡唱是向歌迷「找數」，皆因不少歌迷都要求她在內地開騷，但苦等十多年仍未實現，認為現時是個好時機，期望明年可回港舉行演唱會。