「過來人」裕美幫口情到濃時感覺行先
藝人裕美昨日出席「4.22世界地球日清潔活動」，問到可有留意許志安和黃心穎的「偷食」事件，她表示：「之前同心穎一齊拍劇集《堅離地愛堅離地》，所以我係擔心佢嘅。」提到當年亦曾被指「偷食」，作為「過來人」的她直認壓力很大：「人性都係渴望愛，尤其我係單親家庭，會投放喺男朋友身上，試過有男友話我唔好當佢『老竇』先得o架，嗰刻好嬲，但諗深一層可能自己係唔覺意去尋覓緊啲唔完整家庭嘅愛，但男朋友畀唔到我，所以我就不斷拍拖，唔係藉口，只不過真係有心理上嘅需要。」
對於愛上有婦之夫，她說：「以我經驗會處理咗先，Timing適合先一齊，但坦白講好多時情到濃時，情緒上會因為感覺而做咗啲唔啱Timing嘅事。」問到可覺得心穎應出來交代？她則指未知是心穎未Ready面對大家，還是應公司安排，正如她當年亦要聽從經理人公司的安排。