叫梁裕恆收聲？唐詩詠：只係關四個人事！
落選港男梁裕恆（Flow）日前公開評論黃心穎和許志安事件即被指抽水，與馬國明情同兄妹的唐詩詠亦在網上發文「要學懂沉默寡言」疑叫他收聲。昨日，她開工拍劇時說：「我冇回應任何人，只係提醒自己唔好亂說話，亦對佢講嘅嘢冇意見，大家都知道呢件事只係關四個人事。」她又指已在群組中支持馬國明。
另一邊廂，Flow昨日繼續發功，在社交網上載一張對話截圖展示與網民「開火」對話，他向網友指「鬧嗰啲人只是內心有鬼」、「想偷食無能力」，不過未幾又即刪除貼文。隨後，他又發文質問為何還未捉拿該名的士司機：「個司機一定係犯了私隱條例，政府不需要等有人報案才執法。大家點解冇去關心？」