魏韵芝「肩」冧「小豬比」 讚靚女
單文柔大前日剛度過29歲生日，原來雙喜臨門做埋媽咪，朋友當然戥她高興，好友魏韵芝（Joyce）更探過BB，大讚可愛：「BB個樣變得好快，初初覺得佢似爹哋，依家覺得似媽咪，尤其係耳仔，同媽咪隻耳仔一模一樣！對眼好圓好大，成日都眼睩睩周圍望，好精靈！手指同腳趾超長，大個一定又高又靚女！」Joyce笑指早已訂製刻有「小豬比」的被及口水肩，作為送給BB的禮物。
跟單文柔是同屆港姐的張寶兒亦透露日前已探望BB，惟新手媽媽當時有點混亂，寶兒說：「見佢未穩定就冇再去探佢，依家好啲，遲啲就可以再去，不過男友袁偉豪呢排唔喺香港。（會做契媽？）我都想，不過應該好多人爭住做啦！」至於另一好姊妹劉穎鏇昨與陳展鵬一起開工，笑言戥對方高興，並指展鵬心情很好，不時主動跟大家傾偈及說笑。