蘇韻姿慶祝26歲變喊包

藝人蘇韻姿（Andrea）憑無綫劇集《愛．回家之開心速遞》「熊心如」一角成功入屋，日前一班粉絲為她舉行26歲生日會，令她開心不已，表示：「同粉絲玩遊戲，我又唱咗首歌畀佢哋聽。佢哋好有心，搵咗我多倫多嘅朋友拍片，同我講生日快樂，所以睇嘅時候覺得好窩心，因為收到大家嘅祝福。」為了答謝粉絲，Andrea親自整曲奇餅慰勞大家，又自爆即場變喊包：「大家玩得好開心，但我就感動到喊晒，真係好瘀，但能夠同粉絲一齊過生日，真係好開心。」