啜核金句王

只要有水吹，唔怕冇金句！名人明星出口未必成文，卻令人笑爆嘴！《啜核金句王》每周網羅全城網民熱議的名人明星金句，有讚有彈，嬉笑怒罵，共冶一爐！

張敬軒收到粉絲的大整蠱，手機變朱古力，令他大呼：「阿叔你哋都呃真係好冇陰功！」

花生友：其實粒朱古力係咪真係朱古力？

吳若希之前每日大讚老公的優點，但日前竟自爆與老公感情淡了：「我哋唔係好熟。」但隔幾日她又甫相放閃，令人摸不着頭腦。

花生友：成日一時一樣，老公都畀你玩殘！

胡鴻鈞被爆自以為憑「石敢當」上位成功，更自誇：「我勁過林峯！」因而傳被公司雪藏！

花生友：你邊方面勁過林峯先？攞嚟睇吓。

林子善被爆去年結婚收到朋友的300蚊人情，令他忍不住在Facebook潤對方：「你畀我份人情令我永世難忘！」

花生友：300蚊睇清一個人，都幾抵呀！