韓君婷愛高富帥秘戀Oppa巨星
選美出身的混血兒靚女韓君婷曾患抑鬱症，大方分享自身經歷。單身的她直認恨拍拖，對韓國男士情有獨鍾，更自爆曾有一位韓國明星男朋友，對方已勇闖荷里活發展事業。
亞姐冠軍韓君婷性格爽朗，愛笑愛玩的她曾經歷長達8年的抑鬱症，最近為東網巨星節目「海馬牌床褥特約」《閨蜜睡房》擔任嘉賓，與主持俞詠文大談心路歷程：「其實唔好奢望有抑鬱症嘅人會百分百痊愈，間唔中會復發。呢個病就好似傷風，可能一年會感冒兩、三次，因為有過經驗，當感覺佢嚟嘅時候，你會有心理準備去處理情緒，可以克服到某啲難關，正如識得同佢相處。」
「去咗美國做明星」
談到愛情世界，她坦言每個人都需要一個伴侶，但不想為了寂寞而求其搵男友。問到擇偶條件？她笑言以前不愛靚仔，但現會選擇靚仔又有錢：「最好似K-Pop嘅Superstar。」並自爆曾與兩位韓國男士拍拖：「有一個去咗美國做明星添，好靚仔。」
化身火爆女友
外表獨立的她坦言拍拖時，人前會化身小女人，但當兩個人相處時則非常硬朗，經常與男友「對峙」，試過有次男友激到她「火都嚟」！想知道她為何事大發雷霆？搞到拍枱大鬧？記得本周五、六、日收睇《閨蜜睡房》！