黃心穎遭無綫掟入「雪櫃」，全面停工，更「一個累全家」，連帶其有份參演的劇集均被抽起！劇集《堅離地愛堅離地》原安排5至6月播出，惟主演之一的她捲入醜聞，無綫決定抽起該劇，改播楊明及高海寧主演的《婚姻合伙人》。據知原本有不少客戶有意邀她拍廣告及洽談商演，現在急急打退堂鼓。
《堅》男主角張振朗對劇集被抽，坦言：「現階段劇集播唔播都唔係最重要，一切都係順其自然，無論作為同事定朋友，希望每一位都安好。」該劇亦是陳智燊離開無綫前的最後一套劇，他說：「尊重公司決定！（被心穎連累？）其他人嘅嘢唔想講太多，亦唔到我評論，希望佢哋自己OK啦！」
無綫劇《愛．回家之開心速遞》一向有收視保證，但一夜間亦因心穎唱主題曲《在心中》而被網民聲言罷睇，其犯眾憎的程度，可見一斑！至昨晚該劇播出時，主題曲變為純音樂，網民紛紛表示「集氣成功」！據知，因為《愛》太過入屋，有關方面覺得心穎事件與此劇主題及內容不配合，因而抽起其聲音。