HBO神劇《權力遊戲》（Game of Thrones）公布最後一季首集收視，全美有1,740萬觀眾收看，打破2017年播映、上季首集的1,610萬收視紀錄！劇中男主角Kit Harington前日受訪，明言會爆粗鬧爆批評今季劇情的視評人：「雖然我真係唔想聽落好似對視評人好刻薄，但視評人如果花半小時嚟寫今季嘅負評，我會叫佢哋不如X吓自己！」雖然他開到口不想被批評，但有劇迷睇完首集後留言批評畫面太黑，完全看不清楚。
此外，今晚將首度在港開騷的英國樂壇天王Ed Sheeran上一季有客串《權》劇，不過有劇迷留言爆料首集已有角色提到他會戰死，睇怕他未必有份繼續演下去！