黃智賢「坐」長氣勢靠把口鬥惠英紅

黃智賢讚《鐵探》題材新鮮。

無綫藝員黃智賢在新劇《鐵探》中可謂演得最舒服的演員，皆因其角色不良於行，要坐在輪椅上演出，靠「食腦」與惠英紅、許紹雄鬥智爭做警隊一哥，他說：「全套劇坐喺輪椅拍都係第一次，都幾新鮮，多謝公司優待。但坐喺度演都有難度，因為有走位記對白係容易啲，而且我個角色講求淡定，要表現出智慧，全靠把口；都羨慕其他演員拍槍林彈雨戲。」

他覺得《鐵探》題材新鮮，因甚少有電影及劇集講述警隊高層權鬥，有別一般英雄主義的警匪片：「同惠英紅最多對手戲，佢未離開無綫前，合作過兩套古裝劇。今次同影后級合作好有挑戰性、好刺激，亦要有充足準備，好耐都未試過呢種感覺。」

讚蔡思貝熱血

黃智賢又大讚首次合作的蔡思貝，更喚起其心中火花：「佢係一個好搏嘅年輕人，好認真！演員係需要搵生活體驗去符合角色，佢好投入去試。有場戲要佢喘住氣講嘢，佢真係走去跑圈，跑到面紅耳熱，好難得呢啲真實感覺，係初入行先有，亦喚醒我作為演員嘅火熱。自己以前都有，嗰陣人生體驗唔夠，就搵真實感受去彌補。」問到可有指點蔡思貝？他說：「唔會，演員係需要經歷，好欣賞佢攞個真感覺出嚟，年輕有年輕嘅可愛，好欣賞佢單純嘅追求。」

能夠與惠英紅鬥戲，黃智賢過足戲癮。	黃智賢全程坐輪椅拍劇。	蔡思貝獲讚是勤力演員。

場地：香港九龍東皇冠假日酒店