湛琪清度蜜月火辣辣

藝人湛琪清（Jessica）今年2月與老公金承威拉埋天窗，早前仍表示正在計劃蜜月地點，但近日已經出發到馬爾代夫，享受陽光與海灘。她連日來晒出多張靚相，見兩人拍拖睇日落之餘，又遊船河釣魚兼出海玩划艇，還「飛上天」玩水上滑翔傘，行程相當豐富！新婚的她趁機大派福利，穿上一件頭黑色低胸泳衣騷事業線，腰間開窿露纖腰，相當養眼！不過，她卻以公仔圖案遮掩老公赤膊的上身，唔想被睇蝕？