苟芸慧恨生B有味睡衣誘老公
國際名模仙蒂歌羅馥（Cindy Crawford）專誠來港，前晚以代言人身份出席「歐米茄星座MANHATTAN女裝腕表慶祝活動」，同場的苟芸慧與陳瀅爭相集郵。苟芸慧早前到馬來西亞出席活動時勁性感，但今次明顯較保守，她解釋：「條裙係老公揀！佢唔介意我性感，覺得性感得嚟健康。（你平時喺屋企着睡衣係咪都好性感？）都會有，睇當日心情，佢都會買畀我。」至於是否可添情趣？她笑說：「佢都見慣我平時嘅樣啦。（佢揀咩款式？）佢鍾意有女人味嘅、喱士款式。（更有衝動造人？）佢好安全o架！我哋都想生BB但唔急。」
陳瀅擇偶 陳家樂合格
至於陳瀅透露曾送價值6位數的腕錶給爸爸，又讚他勤力靚仔，問找男友會否以爸爸為指標？她說：「都接受到比我大10歲嘅人。（陳家樂同爸爸係咪同一類型？）兩個都唔一樣，咁佢（陳家樂）都好捱得。（符合條件？）佢都靚仔，應該都孝順。」
已來港多次的仙蒂則最回味香港美食：「每次嚟都有好大轉變，但依然咁好味。」講起家人，她笑言全家都超級忙：「囡囡依家喺法國，囝囝就喺紐約，我又成日周圍去，所以大家一定要有優先次序，將家人放第一位。」
