李泳豪邊睇舖邊學日文
李泳豪最近忙於打理與哥哥泳漢有份投資的拉麵店阿久根，由朝做到晚日踩足12粒鐘。日前下午約6時，其位於旺角的店外已大排長龍，只見豪仔不停走來走去，上至落單下至執枱全部親力親為。為了爭取時間，正學日文的他竟然安排老師在店內教授，完全不讓自己閒下來。
豪仔接受電話訪問時說：「真係托賴，開張以來日日一早就賣晒（限定拉麵），為咗保證品質，每日只可以提供120碗拉麵，每晚仲要開會檢討，第二日又一早開劇，因為冇時間返學，要叫老師上門教，但我做得好開心，瞓少啲都冇所謂，一句『好食』已經抵銷晒。」
