陳嘉容水着上陣吸金Fit晒
名模陳嘉容昨日在社交網晒出泳衣照大派福利，早前她為收身廣告再挑戰泳裝，她說：「我成日覺得，仲靚、身形仲見得人嘅時候，點解唔騷吓？有本錢唔怕露，將來老咗，可能連游水都只會着潛水衣，覺得當作紀念。（仲賺到錢？）係Main Point。」
去年工作順利，今年希望作戰狀態擴闊至小朋友及太太的層面，以教授儀態和形象為主。感情方面，她自嘲生活似農夫，被迫推了五個男士約會：「唔知香港男仔係咪比較冇耐性，推一、兩次就以為我拒絕，但其實因為我要早瞓，如果第日要拍嘢，夜晚十點半要瞓。（好難約你？）可唔可以六點食飯？我想應約但時間唔得，可唔可以犧牲少少？」