粉絲大整蠱軒仔有「賞」促自首

歌手張敬軒昨日出席「復仇者聯盟4」主題活動，自認是Marvel Fans的軒仔表示今次現身有雙重意義，他笑言要化身復仇者聯盟的其中一位成員去「復仇」Fans，更即場拎出日前收到的「智能電話」禮物訴苦：「我食咗其中一粒朱古力，係饐饐哋，佢最衰嘅係有塊鋼板喺入面！仲跟埋張收據，喺內地買成萬蚊！下次我出碟一定會喺其中一啲碟入面放塊薄嘅光酥餅！但佢哋真係好有創意。（知唔知邊個？）佢係匿名，同埋原來咁多人鍾意睇Artist畀人整蠱，呢個Post有成8萬幾個Like。」