鄭融搵定後備唔怕男友冷落
歌手鄭融入行16年，早前她在鬧市Busking，發現自己有一首人人識跟住唱的歌，感到「好幸福」。而她與外籍男友感情穩定，對方很照顧她，令她不禁大讚：「You are so special！」然而她竟然收埋另一個「後備」。
鄭融近日為宣傳新歌《13樓的大笨象》而唱不停，更到銅鑼灣街頭玩Busking，早前她應東網巨星節目「海馬牌床褥特約」《閨蜜睡房》邀請擔任嘉賓，一連三集與主持人李文珊（Sherman）分享唱歌經歷，說到經典舊歌《紅綠燈》，她說：「有啲歌一唱，途人真係會跟住一齊唱，原來自己都有一首，我哋喺紅綠燈馬路口唱歌，同好多途人一齊唱時，好感受到幸福。」
欠主動自築圍牆
她自認最大缺點是欠缺主動及想得太多：「有時會諗如果我同佢打招呼，佢會唔會覺得我好搏呀？」、「咁樣會唔會好刻意？」不知不覺便築起圍牆，把自己重重包圍。
《13樓》講述男女相處的愛情觀，由「Elephant in the room」（房間裏的大象）這句說話得到靈感，隱喻像大象般存在於家中，怎可能視而不見？與外籍男友拍拖多年的她，莫非是憑歌寄意？
隔空出冧招
鄭融說：「如果真係遇到問題，我會講出嚟，但未必第一時間去講，我唔算主動，但又唔可以完全吞聲忍氣乜都唔講，有啲嘢即刻講咗出嚟未必最好，可能過多幾日，覺得件事冇咁緊要，之後講其實仲慳時間、又會到Point啲。」
鄭融形容男友靚仔兼老實，會照顧她及她的家人，更大讚一句：「You are so special！」一於隔空冧男友！不過，她大爆男友有時會不理她，這時她就會找另一個「他」，想知道這個後備是誰，記得本星期五、六、日收睇《閨蜜睡房》！