張智霖受老婆打擊：我要瘦到佢心痛！
藝人張智霖（Chilam）和李佳芯（Ali）昨日以大使身份出席《富衛保險冠軍賽馬日》參賽馬匹名單公布會。兩人將於本月28日到沙田馬場觀賞賽事，Chilam自認一向好運：「到時都會碰運氣，希望會有收穫，我其實真係好有運氣，已經進展到睇個名都估得中，我發現命中率有百分之八十！（再做馬主？）都會繼續抽，我突然諗起以前有隻叫『愛將』，遲啲可以向食物方面，甜醬、麵豉醬、混醬！」
談到他每星期陪太太袁詠儀食Pancake，他笑說：「我唔可以再食啦！要進行減肥計劃，我要瘦到讓人心痛為止，成日畀我老婆打擊。最想聽到人同我講：『你唔好再瘦啦！』」
李佳芯搲合作
Ali則表示一向沒有橫財運，並乘機向Chilam攞貼士：「我係要努力工作嗰種，平時都冇咩運氣，但希望一有呢啲盛事可以將啲運儲起，碰一次大運，我唔貪心。」問到兩人會否期望在戲劇上合作？Chilam說：「希望今次係個緣起，遲啲有機會合作。我最近拍完內地綜藝節目，遲啲就開拍電影。」