陳瀅飆車技術掂嫌棄陳家樂

外表斯文的陳瀅原來是車神。

陳瀅、滕麗名（阿滕）及黃智賢（Ben）等昨午到葵芳出席無綫新劇《廉政行動2019》宣傳活動。飾演廉署調查員的陳瀅繼落海戲後，再有飆車演出。談到緋聞男友陳家樂曾讚她「揸車辣」，她說：「我揸車一定好過佢，16歲開始o架喎！同我比，佢只係新牌仔，尤其佢泊車好唔掂，我試過話幫佢泊。（佢話開工以為揸車戲由佢操刀。）梗係唔得，因為睇位要好準，唔係又NG。」她又自爆揸車曾被「屈錢」：「有個人自己跑出嚟，話我撞到佢，好彩我有車Cam，呢個係好偉大嘅發明。」

Ben自封「冇王」

Ben於劇內與阿滕一展舞技，他笑指自己是「冇王」：「乜都冇吖嘛！不過由《名門望族》跳到《福爾摩師奶》，總有幾隻華爾茲舞步傍身嘅。」阿滕笑說：「我一定最叻無敵十字步。」至於首集要到漁市場拍追逐戲，Ben笑說：「我自己論論盡盡撞到個頭，真係鴻運當頭！」阿滕則說：「嗰日係黑雨過後，嗰度又路面濕滑，我都唔小心跣腳，結果拉傷咗大腿內側，位置相當尷尬。」

滕麗名笑言最叻跳無敵十字步。	眾演員拉隊宣傳新劇《廉政行動2019》。	黃智賢果然舞得頂，多套劇都要跳舞演出。