吳綺莉想卓林自立：大個女喇！

吳綺莉（Elaine）前晚現身電影《奇蹟的突破》首映禮，問到現時與女兒卓林的情況，她起初表示「今日唔好講嘞」，之後笑說：「我生活一切如常。（勸卓林信教？）佢不嬲都信。（兩母女一齊返教會，增進感情？）想返自然會返，我通常自己返。（係咪好耐冇見卓林？）一段時間囉。（好掛心？）正常父母一樣啦。（佢仲喺香港？）應該係。」對於卓林早前指她「有病要睇醫生」，Elaine坦言：「我好少睇新聞，唔想心煩。（佢話同你WhatsApp有溝通？）是但啦，佢都20歲，當年我17歲已經選美，佢都大個女喇！（所以應該自己處理問題？）做到就做啦！」