陳凱琳Big Cup餵奶BB食得好滿足

女星陳凱琳於今年二月為鄭嘉穎誕下囝囝Rafael，產後極速收身，身材比以前更惹火，前晚她出席活動時雖然「封咪」上陣，但仍見其上圍豐滿。自言不想外間集中討論其身材的她說：「第日冇餵（人奶），身材有變，大家又會再講，最重要BB食得好，佢每次都好滿足。（升咗幾個Cup？）真係冇度過！」她坦言有再生B的打算，但要待兒子一歲後才實行造人計劃，又稱現在逐漸復工，但以綜藝節目為主：「拍劇遲啲先，想多啲時間照顧BB，佢日日長大都唔同，唔想錯過任何一個改變。」