余香凝「連中三元」街頭爆喊
現年25歲的余香凝（Jennifer）今年金像獎「連中三元」，獲「最佳女主角」、「最佳女配角」及「最佳原創電影歌曲」三項提名。對於女配，Jennifer未戰先投降，直言對手太強：「個個都好有實力，周家怡喺《無雙》入面好Man，連說話聲線都有落工夫；至於紅姐（惠英紅），我喺《翠絲》入面做佢個女，佢就算排戲排咗8至10個Take，都會用盡100%力量去做，每次都有真眼淚，演技好犀利。」
公布入圍當日，她曾一度「擺烏龍」以為零入圍，原本打定輸數卻突然收到經理人的喜訊，登時在街上失控爆喊搵碇匿：「我唔想咁肉酸畀人望到，就即刻走入九龍公園冇乜人嘅角落繼續喊，我經理人好搞笑，喺電話度同我講，叫我唔好喊住，講咗感受先，好多傳媒朋友問緊。」當日正值是Jennifer妹妹生日：「媽咪、妹妹知道消息都好激動，即刻喊咗出嚟。」妹妹一早揚言要將當天運氣全給家姐，結果真的靈驗！