周家怡收A貨獎座險侵權
藝人周家怡入行逾廿年，今年憑電影《無雙》獲提名金像獎最佳女配角，不少人都戥她高興，日前她更收到朋友送了一個仿製「金像獎」獎座，逗得她開心到哭了起來並在社交平台分享照片。原本是一件開心美事，卻惹來獎座版權之爭議，但當然很快平息事件，金像獎方面就周家怡的仿製品回應：「了解咗件事，家怡個朋友同佢開玩笑，所以唔會追究，當然都會同佢（家怡）講番版權問題。」而家怡亦表示：「好多謝大會咁明白事理，知道我啲朋友唔係有心，同埋提醒我注意版權問題，而我啲朋友真係好錫我，我都要多謝佢哋嘅好意！」
至於提到大戰前夕一眾對手惠英紅、余香凝等均睇好她，家怡大感高興，坦言有提名已是肯定，獲獎與否並不重要：「之前去導演會晚宴，好多導演都有留意我，仲話想同我合作，對我嚟講係一個好好嘅鼓勵。阿佘（佘詩曼）知我入圍，開心到用高八度嘅聲線恭喜我，好感動，可惜，頒獎禮當日佢唔喺香港，同唔到我打氣，但之後都會約食飯。」